Jarðfræðikortlagning

Helstu gerðir jarðfræðikorta

• Berggrunnskort
• Jarðgrunnskort
• Vatnafarskort
• Höggunarkort
• Jarðhitakort
• Auðlindakort
• Botngerðarkort af hafsbotni
• Jarðvárkort af hafsbotni
• Landmótunarkort af hafsbotni

Notagildi jarðfræðikorta

• Þau eru undirstaða umhverfismats, landnýtingar og skipulags í þéttbýli, strjálbýli og óbyggðum.
• Þau eru nauðsynleg vegna nýtingar á auðlindum landsins, svo sem orkulindum, neysluvatni og byggingarefnum.
• Þau eru ein af forsendum skipulegrar og markvissrar náttúruverndar.
• Þau eru til varnar gegn umhverfisslysum af ýmsum toga, eins og mengun vatnsbóla og bruðli með byggingarefni.
• Þau eru ómissandi þegar meta á hættu af völdum eldgosa, skriðufalla, flóða og jarðskjálfta.
• Þau eru grundvöllur sérkorta í stærri mælikvörðum og yfirlitskorta af ýmsu tagi.
• Þau eru fróðleiksnáma þeirra sem vilja fræðast um landið og náttúru þess.
• Þau eru ódýr miðað við það gagn sem má hafa af þeim. Í mörgum tilfellum er unnt að draga stórlega úr kostnaðarsömum rannsóknum ef þau eru fyrir hendi.

Gæðakröfur

Hjá ÍSOR starfar fjöldi jarðfræðinga sem unnið hafa að ýmiskonar jarðfræðikortlagningu á landinu um langt árabil. Auk þeirra koma landfræðingar og kortahönnuður að gerð jarðfræðikorta. Við leggjum metnað í að tryggja viðskiptavinum örugga og faglega þjónustu. Við kortagerðina er notað landupplýsingakerfið ArcGIS frá ESRI. Unnið er eftir kortastöðlum sem eru í stöðugri endurskoðun og þróun. 

Nýútkomin jarðfræðikort

• Berggrunnskort af Íslandi 1:600 000
• Jarðfræðikort af Mið-Íslandi 1:100 000
• Jarðfræðikort af Austurgosbelti. Tungaáröræfi 1:100 000
• Jöklakort af Íslandi (útgefandi: Veðurstofa Íslands)
• Jarðfræðikort af Norðurgosbelti: Nyrðri hluti 1:100 000
• Jarðfræðikort af Norðurgosbelti: Syðri hluti. Ódáðahraun 1:100 000
• Jarðfræðikort af Suðvesturlandi 1:100 000