Jafnréttisáætlun ÍSOR byggir á lögum nr. 10/2008 um jafna stöðu og jafnan rétt kvenna og karla. Markmið laganna er að koma á og viðhalda jafnrétti og jöfnum tækifærum kvenna og karla og jafna þannig stöðu kynjanna á öllum sviðum samfélagsins. Allir einstaklingar skulu eiga jafna möguleika á að njóta eigin atorku og þroska hæfileika sína óháð kyni. Íslensk jafnréttislöggjöf tryggir þannig öllum jafna stöðu óháð kyni með tilliti til starfa og launa.
Jafnréttisáætlun þessi er hluti af starfsmanna- og launastefnu ÍSOR.
Stefna ÍSOR er að gæta skuli fyllsta jafnréttis milli kvenna og karla og að hver starfsmaður verði metinn á eigin forsendum. Þannig verði tryggt að mannauður fyrirtækisins nýtist sem best. Með áætluninni eru stjórnendur og aðrir starfsmenn minntir á mikilvægi þess að allir fái notið sín án tillits til kyns og að nýta beri til jafns þá auðlegð sem felst í menntun, reynslu og viðhorfum kynjanna. Kynbundin mismunun er óheimil með öllu.
Jafnréttisáætlun er tæki til að ákveða markmið og eftirfylgni með jafnréttisstarfi fyrirtækisins. Jafnréttisáætlun Íslenskra orkurannsókna skal stuðla að betri nýtingu á hæfileikum og þekkingu starfsfólks. Starfsmenn fái notið eigin verðleika og hafi jöfn tækifæri til starfa og starfsþróunar óháð kyni
Markmið og leiðir
- Leitast skal við að jafna hlutfall kvenna og karla í hinum ýmsu störfum innan fyrir-tækisins. Skoðað verði sérstaklega hvernig hægt sé að stuðla að jafnari kynja-skiptingu í hinum ýmsu störfum og að stjórnendur gæti sérstaklega að því varðandi starfsþróun.
- Jafnréttishópur skoðar reglulega samsetningu allra nefnda, ráða og verkefnahópa með tilliti til kynjahlutfalls.
- Greiða skal jöfn laun og bjóða sömu kjör fyrir jafnverðmæt og sambærileg störf án tillits til kyns. Konur og karlar fái jafna möguleika til að þroskast í starfi og auka þekkingu sína. Þess verði sérstaklega gætt að starfsfólk fái sömu laun fyrir sambærilega frammistöðu í sömu störfum. Launaákvarðanir skulu endurspegla starf, ábyrgð, vinnuframlag og hæfni viðkomandi starfsmanns.
- Gera skal starfsmönnum kleift að samræma atvinnu og fjölskyldulíf, m.a. með sveigjanlegum vinnutíma. Leitast verði við að auka sveigjanleika í skipulagningu á vinnu og vinnutíma þannig að jafnvægis sé gætt milli vinnu og fjölskyldulífs. Sveigjanlegur vinnutími, sveigjanlegt starfshlutfall, og fjarvinna eru dæmi um fyrirkomulag sem gæti hentað fyrirtækinu og starfsmönnum þess. Starfsmönnum sé jafnframt auðveldað að koma aftur til starfa eftir fæðingar- eða foreldraorlof.
- Konur og karlar skulu eiga jafnan aðgang að endurmenntun og þjálfun.
- Gæta skal jafnréttis hvað varðar úthlutun ábyrgðar og verkefna og þátttöku starfsmanna í starfshópum og nefndum.
- Gæta skal jafnréttis við ákvarðanatöku um ráðningar starfsmanna og tilfærslur í starfi. Leitað verði eftir umsækjendum af báðum kynjum við ráðningar. Starfsaug-lýsingar skulu almennt ekki vera kynbundnar nema jafna þurfi hlutfall kynja í viðkomandi hópi. Auglýsingar um laus störf skulu höfða jafnt til beggja kynja.
- Kynferðisleg áreitni og einelti eru ekki liðin.
- Mismunun starfsfólks á grundvelli kyns, þjóðernis, litarháttar, aldurs, kynhneigðar, stjórnmálaskoðana eða trúarbragða er ekki liðin.
- Starfsmaður sem verður fyrir kynferðislegri áreitni og/eða einelti getur snúið sér til fulltrúa í jafnréttishópi ÍSOR. Jafnréttishópi ber að liðsinna viðkomandi í samskipt-um við deildarstjóra og/eða forstjóra.
- Jafnréttishópur skal kynna starfsmönnum ÍSOR þessa áætlun og málefni tengd jafnrétti kynjanna í september eða október ár hvert.
Eftirfylgni
Til að fylgja eftir markmiðum jafnréttisáætlunar er starfræktur jafnréttishópur á ÍSOR. Jafnréttishópinn skipa þrír aðilar til tveggja ára í senn; einn úr hópi stjórnenda og tveir fulltrúar almennra starfsmanna.
Hlutverk og verkefni hópsins er að:
- Vera ráðgefandi fyrir stjórnendur og starfsmenn.
- Viðhalda tölfræðilegum upplýsingum um þætti sem varða áætlunina.
- Leggja fram tillögur um sértækar aðgerðir í samræmi við markmið hennar og hafa frumkvæði að umræðum í yfirstjórn um jafnréttismál.
- Leggja fram tillögur að endurskoðun jafnréttisáætlunar fyrirtækisins sé þess þörf.
- Sjá til þess að reglubundið mat á árangri far fram.
- Taka reglulega til skoðunar venjur, viðhorf og vinnuaðferðir á ÍSOR.
- Taka við ábendingum starfsmanna um hvaðeina sem varðar jafnréttismál.
Jafnréttisáætlun var upphaflega samþykkt af Íslenskum orkurannsóknum, 14. febrúar 2006.
Endurskoðað af jafnréttishópi ÍSOR 10. júlí 2011 og samþykkt í rekstrarráði ÍSOR 23. ágúst 2011.