Um ÍSOR

Íslenskar orkurannsóknir, ÍSOR, eru leiðandi á sviði rannsókna og þróunar í jarðhita. ÍSOR veitir ráðgjafarþjónustu og annast beinar grunnrannsóknir á flestum sviðum jarðhitanýtingar og annarra auðlinda. ÍSOR er sjálfstæð ríkisstofnun sem heyrir undir umhverfis-, orku- og loftslagsráðuneytið. ÍSOR starfar á viðskiptalegum grundvelli á samkeppnismarkaði og aflar sér tekna með sölu á rannsóknum, ráðgjöf, þjónustu og upplýsingum eða öðrum verkefnum á starfsviði þess.

Sjá nánar hlutverk og lög um Íslenskar orkurannsóknir.

Rannsóknarstarfsemi í hartnær 80 ár

Starfsemi ÍSOR við rannsóknar- og ráðgjafarþjónustu má rekja tæpa átta áratugi aftur, eða til ársins 1945. ÍSOR, eða Íslenskar orkurannsóknir, var stofnað árið 2003 þegar það varð sjálfstæð stofnun.