Hafsbotnsrannsóknir

Hafsbotnsrannsóknir. Ljósmynd Philippe Jousset.Þekking á jarðfræði og umhverfi hafsbotnsins eru forsendur fyrir skynsamlegri nýtingu auðlinda sem þar finnast, svo sem byggingarefna, málma, jarðhita og olíu- eða gaslinda. 

Hjá ÍSOR starfar hópur jarðfræðinga, jarðeðlisfræðinga og eðlisfræðinga sem hefur á undanförnum áratugum byggt upp sérfræðiþekkingu í öflun og túlkun gagna af hafsbotni. Meðal verkefna má nefna ráðgjöf til stjórnvalda varðandi skilgreiningar landgrunnsins utan 200 sjómílna. ÍSOR hefur tekið þátt í rannsóknum á olíu og gasi fyrir Norðurlandi og verið ráðgjafi við undirbúning sérleyfa til rannsókna og vinnslu kolvetna.

Þjónusta ÍSOR í hafsbotnsrannsóknum, úrvinnsla og túlkun

  • Kortlagning
  • Setlagarannsóknir
  • Þyngdarmælingar
  • Segulmælingar
  • Endurkastsmælingar
  • Bylgjubrotsmælingar
  • Fjölgeislamælingar

 

Landgrunnsmál

ÍSOR veitir stjórnvöldum vísindalega ráðgjöf vegna afmörkunar landgrunns Íslands. Um er að ræða rannsóknarvinnu, gagnaöflun og túlkun gagna. Auk þess hafa sérfræðingar ÍSOR tekið þátt í að kynna kröfur Íslendinga fyrir landgrunnsnefnd Sameinuðu þjóðanna. Hægt er að lesa nánar um landgrunnskröfur Íslendinga hér.

 

Olíurannsóknir

ÍSOR veitir stjórnvöldum sérfræðiaðstoð við undirbúning á sérleyfum til rannsókna og vinnslu kolvetnis. Verkið er tvíþætt.

  1. Að koma upp gagnasafni um landgrunn Íslands vegna leyfisveitinga. Gagnasafnið inniheldur m.a. endurkastsmæligögn úr setlagarannsóknum til olíuleitar, auk gagna úr ýmiss konar vísindaleiðöngrum. Þetta gagnasafn hefur m.a. verið nýtt til kynningar á svæðinu í svokallaðri Landgrunnsvefsjá.
  2. Túlkun á mæligögnum með tilliti til líklegra auðlinda og leggja mat á hvar líkur eru á að finna olíu eða gas. Lesa meira

Kortlagning hafsbotnsins

ÍSOR er virkur þátttakandi í rannsóknarverkefnum, styrktum af innlendum jafnt sem erlendum sjóðum eða orku- og olíufyrirtækjum. Hér er listi yfir samstarfsverkefni jarðfræðistofnana í Evrópu er snúa að hafsbotnsrannsóknum:


 

Tengiliður:
Steinunn Hauksdóttir
Yfirverkefnisstjóri, sviðsstjóri lághita og náttúrfars

528 1535
822 1999
sth@isor.is