Um ÍSOR

ÍSOR er leiðandi íslenskt alþjóðlegt fyrirtæki sem veitir jarðvarmaiðnaðinum sérfræðiráðgjöf og tæknilega þekkingu á sviði jarðvísinda, bæði fyrir háhita- og lághitasvæði.

Mannauður okkar er mikilvægasta auðlindin – teymi sérfræðinga á heimsmælikvarða með áratuga reynslu, yfirgripsmikla gagnasöfnun og djúpa þekkingu á jarðvarma.

Árangursrík og sjálfbær þróun og nýting jarðvarma krefst nákvæmrar þekkingar á langtímaframleiðslugetu auðlindanna og vandaðrar stýringar á nýtingu þeirra á öllum stigum. Þar með talið er náið eftirlit með kerfinu meðan á orkuframleiðslu stendur, auk þess að draga úr og bregðast við mögulegum umhverfisáhrifum.

Grundvöllur að víðtækri þjónustu ÍSOR er sérþekking okkar á jarðvísindum og faglegur undirbúningur. Því er ÍSOR kjörinn samstarfsaðili þinn.

Reynsla okkar af þjónustu við jarðvarmaiðnaðinn, bæði hérlendis og erlendis, nær yfir nærri heila öld. Hún spannar meðal annars raforkuframleiðslu, hitaveitukerfi og aðra nýtingu jarðvarma.

Hlutverk ÍSOR er samkvæmt lögum að vinna að verkefnum og rannsóknum á sviði náttúrufars, orkumála og annarra auðlindamála og veita ráðgjöf á flestum sviðum jarðhitanýtingar.

ÍSOR starfar á viðskiptalegum grundvelli á samkeppnismarkaði, bæði á Íslandi og á heimsvísu, og þjónar orkugeiranum, opinberum aðilum og alþjóðlegum viðskiptavinum á sviði jarðhita, grunnvatns, hafsbotnsrannsókna og umhverfismála.