Starfsmaður í tölvuþjónustu

Íslenskar orkurannsóknir, ÍSOR, leita að áhugasömum einstaklingi til að sinna tölvuþjónustu við starfsfólk ÍSOR. Um er að ræða fullt starf.

Starfið felur í sér aðstoð við notendur, uppsetningu og þjónustu á vél- og hugbúnaði starfsmanna auk annarra fjölbreyttra verkefna. Útstöðvar eru ýmist með Windows- eða Linux-stýrikerfum. Starfsmaður sinnir jafnframt eftir atvikum vinnu við miðlæg kerfi og fleira tilfallandi.

Menntunar- og hæfniskröfur:

  • Menntun og reynsla sem nýtist í starfi.
  • Góð þekking á Windows- og Linux-stýrikerfum.
  • Góð þekking á Microsoft-hugbúnaði á útstöðvum.
  • Frumkvæði og sjálfstæð vinnubrögð.
  • Lipurð í mannlegum samskiptum.

Við ráðningar í störf er tekið mið af gildandi jafnréttisáætlun sem finna má á heimasíðu ÍSOR.
Laun eru greidd samkvæmt samningum fjármála- og efnahagsráðuneytisins og viðkomandi stéttarfélags.

Nánari upplýsingar um starfið veitir Sveinbjörn B. Nikulásson kerfisstjóri (sveinbjorn.b.nikulasson@isor.is).
Umsóknarfrestur er eigi síðar en 27. febrúar 2017.

Smelltu hér til að sækja um starfið.


ÍSOR er sjálfstæð ríkisstofnun sem heyrir undir umhverfis- og auðlindaráðuneytið en starfar á viðskiptalegum grundvelli á samkeppnismarkaði. ÍSOR leiðir rannsóknir og þróun á sviði jarðvarma, grunnvatns og kolvetna í jörðu.
Höfuðstöðvar eru í Reykjavík og útibú er á Akureyri.