1. júní 2010

Úthlutun styrkja til ÍSOR úr Umhverfis- og orkurannsóknasjóði Orkuveitu Reykjavíkur (UOOR)

Nýlega var tilkynnt hvaða verkefni hlutu styrk úr UOOR á árinu 2010 og voru þrjú verkefni frá ÍSOR þar á meðal.

Einnig voru kynntar niðurstöður verkefna frá árinu 2009 og eru þau erindi aðgengileg á vef Orkuveitu Reykjavíkur.

Verkefni er hlutu styrk:

Upplýsingatækni jarðhitagagna
Verkefnisstjóri: Gunnlaugur M. Einarsson, sérfræðingur í landrænum upplýsingum.
Markmið þessa verkefnis er að þróa umgjörð utan um þau gögn sem á einhvern hátt tengjast jarðhita.
Styrkur: 2.000.000,- kr.

Lekt í jarðhitakerfi Hengils og tengsl hennar við þróað berg í berggrunninum
Verkefnisstjóri: Hjalti Franzson, fagsviðsstjóri.
Markmið verkefnisins er að kanna uppruna og þróun ísúrra og súrra jarðlaga er tengjast Nesjavöllum, Hellisheiði, Hverahlíð og Gráuhnúkum, meta tengsl þróaða bergsins og lektar í jarðhitakerfinu, meta hve stór hluti þróaða bergsins er í raun innskot og að kanna áhrif þróaða bergsins á jarðhitavökvann.
Styrkur: 1.500.000,- kr.

Bættar ákvarðanir við háhitaborun
Verkefnisstjóri: Sverrir Þórhallsson, deildarstjóri.
Smíðaður verður hugbúnaður til þess að meta líkur á árangri mismunandi úrræða í
vandræðum borunar og reikna hagkvæmasta vongildi þeirra.
Styrkur: 1.500.000,- kr.