5. október 2004

Metmánuður í borholumælingum.

Miklar annir hafa verið að undanförnu vegna jarðhitaborana, einkum á suðvesturhorni landsins.  ÍSOR hefur ekki farið varhluta af þeim, sem sést m.a. á því að aldrei hafa borholumælingar á Íslandi verið umfangsmeiri en í september s.l.  Samkvæmt bráðabirgðatölum voru mældir samanlagt um 123 km í mánuðinum.  Stór hluti þessa eru mælingar vegna borana þriggja háhitaholna á Hellisheiði, HE-12, 13 og 14, en einnig mælingar í háhitaholum á Reykjanesi, í Kröflu, á Þeistareykjum og í Bjarnarflagi.  Í lok september höfðu verið mældir tæplega 500 km samanlagt í borholum, sem er 20 km lengra en loftlína frá Reykjanestá að Fonti á Langanesi, og ef fer sem horfir þá verður árið 2004 metborholumælingaár.