15. apríl 2015

Laust starf borholuverkfræðings

ÍSOR leitar að metnaðargjörnum einstaklingi í starf borholuverkfræðings.

Starfið felur í sér hönnun borholna og borferla, kostnaðargreiningu, tilboðsgerð, eftirlit með borverki og almenna verkfræðivinnu.

Fastur vinnustaður er í Reykjavík. Starfið getur falið í sér vinnu utanbæjar eða utanlands og langan vinnudag á köflum.

Menntunar- og hæfniskröfur

  • MSc- eða doktorspróf í borholuverkfræði, vélaverkfræði eða skyldum greinum.
  • Reynsla á sviði borholuhönnunar æskileg.
  • Reynsla af vinnu samkvæmt ISO 9001 staðlinum æskileg.
  • Frumkvæði og öguð vinnubrögð.
  • Lipurð í mannlegum samskiptum.
  • Gott vald á íslensku og ensku, bæði í ræðu og riti.

ÍSOR leggur áherslu á að hækka hlutfall kvenna og yngra fólks í starfsliði sínu.
Nánari upplýsingar um starfið veitir Ingólfur Ö. Þorbjörnsson, deildarstjóri jarðhitaverkfræði (ingo@isor.is).

Umsóknir ásamt ferilskrá þurfa að berast Guðrúnu Erlingsdóttur, fjármálastjóra ÍSOR, gudrun.erlingsdottir@isor.is, eigi síðar en 15. maí 2015.

Sjá ennfremur auglýsingu á vefnum undir laus störf.