Jarðhitaverkefni í Dóminíku
2011-04-13
Verkefni ÍSOR á staðnum verða þríþætt.
Íslenskar orkurannsóknir (ÍSOR) hafa nýverið undirritað samning við stjórnvöld á Dóminíku um þjónustu við þær boranir sem Jarðboranir munu sinna í sumar.
Verkefni ÍSOR á staðnum verða þríþætt.- Að sjá um borholujarðfræðina á staðnum auk hita- og þrýstimælinga á meðan á borun stendur.
- Að annast rennslisprófanir á holunum auk sýnatöku á vökva.
- Að sjá um þann hluta umhverfisvöktunar sem snýr að eftirliti með mengun á grunnvatni í tengslum við boranir og rennslisprófanir.
Áætlað er að þessi vinna hefjist um mánaðamótin júní/júlí og munu boranir standa yfir í allt að 4–5 mánuði. Umhverfisvöktunin mun standa lengur yfir, eða í allt að 10–12 mánuði.
Dóminíka er lítil eldfjallaeyja í sunnanverðu Karíbahafi (Vestur-Indíum). Um er að ræða sjálfstætt ríki, fyrrverandi nýlendu Breta, með um 70.000 íbúum. Eyjan er um 750 ferkílómetrar að stærð. Töluverður jarðhiti er á eyjunni og eru nú uppi áætlanir um að bora þrjár grannar rannsóknarholur á sunnanverðri eyjunni, á svæði sem kallast Wotten Waven, um 5 km austan við höfuðstaðinn Roseau.
