38. Raufarhólshellir

RaufarhólshellirRaufarhólshellir er rétt fyrir ofan efsta hjallann á Þrengslavegi, áður en farið er niður í áttina til Þorlákshafnar. Hann er ekki vel sýnilegur frá veginum þótt hann sé aðeins steinsnar frá honum austanverðum.

Raufarhólshellir er u.þ.b. 1360 m langur og liggur að hluta undir Þrengslaveginum til norðvesturs. Hann er 10-30 m breiður og upp undir 10 m hár. Nokkur smá op eru fremst í hellinum og er farið ofan í það syðsta. Raufarhólshellir er fjórði lengsti hraunhellir landsins og sá lengsti utan Hallmundarhrauns í Borgarfirði.

Hellirinn er í Leitahrauni sem rann fyrir um 5200 árum en upptökustaður eldsumbrotanna voru rétt austan Bláfjalla í Leitum. 

 

 

Aðgengi

Staðsetningarkort yfir Raufarhólshelli.Aðgengi í hellinn er um op rétt austan við veginn og er þar hægt að leggja bifreiðum. Afleggjari að hellinum er merktur og við opið er auk þess upplýsingaskilti.

Sigurður Garðar Kristinsson, 2010

Ítarefni:

  • Hraunhellar á Íslandi, Björn Hróarsson 1990.
  • Íslenskir hellar, Björn Hróarsson 2006.